Mbyllja e sezonit pa arritur në Kupat e Europës do të sjellë padyshim ndryshime rrënjësore në përbërjen e skuadrës së Kukësit, ku pritet riformatimi i ekipit. Dhe largimet nga verilindorët kanë filluar që sot.
Klubi ka bërë të ditur se ka ndërprerë marrëveshjen me mesfushorin Xhonson Ousu i cili ishte afruar me shumë bujë në merkaton e janarit nga verilindorët. Sulmuesi ganez duhej të ishte protagonist në pjesën e dytë të sezonit, por e mbylli me vetëm 13 ndeshje në Superiore dhe një gol të shënuar.
“Johnson Owusu ka mbyllur bashkëpunimin me FK Kukësin! FK Kukësi i uron Johnson suksese ne karrierën e tij!”, shkruhej në njoftimin e shkurtër të Kukësit që mbylli kështu para kohe marrëveshjen me lojtarin e afruar si një goditje të bujshme të merkatos.
